La Joanada a Castras

Dempuèi 2010 lo Centre Occitan del País Castrés organiza la Joanada, granda fèsta tradicionala de la Sant-Joan, sus la Plaça de l'Albenca, amb l'ajuda de la Parròquia Sant-Joan/Sant Loís, e, dempuèi 2012, plaça Solt.

Tre las 20 oras 45, los musicians e los mainatges primièrs, lo public nombrós que seguís darrièr, totes s'encaminan pel passa-carrièra. Sonan pels passejaires los instruments ancians (graile, craba, tamboras) e los aires tantes e maites.

Tanlèu tornar a la Plaça Solt, s'aluca lo fuòc, amb la farandòla bèla tot l'entorn. Puèi quand morís lo fuòc, los musicians son prèstes pel grand bal dubèrt a totes. Amb fòrça rondas lo mond dintran dins la dança. Apuèi se descobrisson amai s'amistonan las danças occitanas.


  • Programa de l'edicion de 2017

    Lo dimars 27 de junh, en serada :

    • sus la Plaça Pèire Fabre (ancianament plaçe de l'Albenca) se lo temps va plan, a 18h30: Animacion del Mercat dels Productors, organizat per la vila de Castras e la Cambra d'Agricultura de Tarn, amb Les Buffarels.
    • a la sala Gérard Philipe :
      • 21h00: Concèrt de cants tradicionals ambe los talhièrs de cants de Castras e d'Albi.
      • 22h00: Fuòc de la Sant-Joan ambe l'Escòla de Bodega de Villardonnel.
      • 22h30: Grand balèti a gratis amb ambe l'Escòla de Bodega de Villardonnel.

    En cas de marrit temps, replegament a la sala Gerard Philipe (plaça 1èr Mai) levat pel Mercat dels Productors.

 

La Joanada a-z-Albi

Dempuèi 1979, lo Centre Cultural Occitan d'Albigés organisa la Joanada, granda fèsta tradicionala de la Sant-Joan, sus la Plaça Santa Ceselha d'Albi, amb l'ajuda de la Comuna d'Albi.

Tre las 21 o., un grope prepausa un recital puèi los musicians e los mainatges primièrs, e lo public nombrós que seguís darrièr, totes s'encaminan pel passa-carrièra.Sonan pels passejaires los instruments ancians (graile, craba, tamboras) e los aires tantes e maites.

Dissabte lo 13 de junh, en serada, sus plaça Santa Ceselha :

Coma l'an passat, "la Joanada" se farà dins l'estil del protocòl festiu de 1492 a Albi : passa-carrièra, intervencion dels consuls de la vila...

  • 17h: passa carrièra amb Sonaires d'Òc (carrièra Mariés, carrièra Timbal, plaça del Vigan, carrièra de l'Hôtel de Ville, Plaça Sainte-Cécile).
  • 21h-22h : concèrt amb lo grop Parpalhon.
  • 22h20 : passa-carrièra amb los Sonaires d'Òc e los mainatges, las classas bilingüas de l'escòla Ròcaguda e la Calandreta d'Albi, amb los flambèls e los còssols, de la Plaça del Vigan en passent per la Carrièra Timbal, carrièra Mariès, e Plaça Santa Ceselha enfin.
  • 22h30 : alucatge del fuòc per Dòna lo Conse d'Albi et los mainatges munits de flambèls.
  • 23h00 :  bal occitan amb lo grop Parpalhon.