Manifestacion « Anem Òc ! »
Aparar la diversitat lingüistica e culturala dins lo monde es un enjòc dels bèles pels temps que venon.
 |
Cal, suls territòris que s'i parla occitan, crear un environament favorable a l'ensenhament de la lenga e dins la lenga, a la creacion culturala en occitan, a la preséncia de la lenga pels medià electronics, audiovisuals e escriches, a son emplec dins la vida publica e sociala. Tot aquò encoratjarà a la transmisssion familhala de la l'occitan. |
-
Los mediàs:
volèm un servici public de radiò e de television en lenga occitana.Demandam una ajuda especifica pels operators privats (ràdios associativas, televisions, premsa) que trabalhan per la lenga occitana.
-
La creacion:
Lo sosten a la creacion,es una politica especifica en favor de l'edicion, del teatre, de l'espectacle viu en general, del cinemà e de la musica. Lo mond cal que pòscan descobrir una cultura tròp longtemps amagada.
-
L'ensenhament:
cal que cadun pòsca causir se vòl un ensenhament qual que siá:
- un ensenhament en occitan (bilingüe de paritat orari o en immersion)
- un ensenhament de la lenga e de la cultura occitanas
- un ensenhament especific als adultes, amb una politica d'aufèrta generalisada.
-
La vida publica:
l'occitan i deu èsser present. Aquò vòl dire pr 'exemple :
- o respècte de la toponimia e la mesa en plaça d'una senhalisacion bilingüa
- l'encoratjament a l'usatge de la lenga occitana dins los luòcs publics e dins la vida sociala.
Aquelas requistat totas vòlon permetre a una lenga de viure e a los que ba desiran de la parlar. S'adreiçan a l'encòp a las collectivitats localas occitanas (comunas, comunautats de comunas, despartaments, regions) e a l'Estat. Cadun se deu encargar de la responsabilitat seuna. Es afar de l'Estat d'adaptar la legislacion.
Lo 24 d'octobre de 2015
La manifestacion « Anem Òc ! Per la lenga Occitana ! » se debanarà lo dissabte 24 d'octobre de 2015, a 14.00, a Montpelhièr (de véser la fuèlha de ligason). La tòca es de far oficializar la reconeissença de las lengas regionalas e de lor garantir un estatut juridic propici a lor expansion. La lenga es l'afar de totes ! Doncas, se cal mobilizar.
« Anem Òc ! per la lenga occitana ! »
Totes a Montpelhièr lo 24 d’octobre de 2015 !
|
Quatre manifestacions dejà se fèron:
|
 |
Coordenacion Anem Òc !
- Institut d'Estudis Occitans, organisma cultural conescut d'utilitat publica
- F.E.L.C.O. Federacion dels Ensenhaires de Lenga e Cultura d'Òc,
- Calandretas, escòlas occitana associativas laïcas
- Òc-Bi, associacion de parents d'escolans per l'ensenhament bilingüe public
- Felibrige, moviment de defensa de la Lenga d'Òc fondat en 1854 per Frederic Mistral
Contacts de la Coordination «Per la lenga occitana !»
Aquesta adreça email es aparada contra los robots dels spammors, devètz activar Javascript per la veire.
/ 04 67 06 81 16 / 06 88 59 69 04 / 06 84 73 67 65
Site Internet de la coordinacion Anem Òc : http://anemoc.macarel.net/