Lo local

L'IEO dins Tarn, son 289 aderents en 2020, una ret departamentala (4 cercles locals) e regionala (una seccion departamentala dins cada departament de Miègjorn Pirenèus, mai de 15 cercles locals) que fa sa fòrça, e ne fa un dels actors màger del desvolopament de la lenga e de la cultura occitanas.

  • Un actor del territòri

    La seccion de Tarn de l'Institut d'Estudis Occitans foguèt creada en 1964. La seuna organizacion federativa ne fa un actor màger de l'accion culturala e lingüistica al mai prèp dels territòris. Constantament ligat a las seccions regionala e nacionala, e amb las seccions departamentalas vesinas, s'organiza a l'entorn d'un pòl central que se tròba a Reialmont, al centre del departament (comptabilitat, direccion, coordinacion globala, gestion del personal), e 4 cercles locals installats a Castras, Albi, L'Illa d'Albigés e Caramauç. Cadun anima fòrça manifestacions culturalas regularas o ponctualas dins sa zòna geografica. A Albi e a Castras, dos centres culturals aculhisson lo long de l'annada de curioses e d'afogats.

  • D'unas missions

    La mission principala de l'IEO es de permetre lo desvolopament de la practica de la lenga occitana dins totes los mitans, d'ajudar a la coneissença de la lenga e de la cultura occitanas, de favorisar son ample difusion dins la societat.

    Aquesta lenga, riquesa patrimoniala es tanben una riquesa per deman, subretot dins los domenis de l'economia e del desvolopament local, mas atanben dins l'ensenhament de las lengas europencas.

    Aderir a l'IEO es obrar per balhar a l'occitan la plaça que li es deguda en menant d'accions a l'entorn de la vida publica, dels medias e de l'ensenhament. Es tanben una accion de cada jorn de cadun perque la cultura occitana siá una cultura viva e contemporanèa, creatritz e innovanta, tot en assument son istòria millenara.

  • Oraris de dobertura

    lo divendres de las 9 a las 15

  • Noms dels responsables

  • President : Patrick CENDRES
  • Clavaira : Marie-Claire VERDUS
  • Clavaira Adjunta : Corinne LENCOU-TOSELLI
  • Secretària : Chantal Chanaud
  • Animatritz : Isabelle COSTA (Comptabilitat / Sector Sud) : 05.63.72.40.61
  • Contacte

    Institut d'Estudis Occitans – Tarn
    3 carrièra de la Tòrca
    81120 REIALMONT
    05 63 79 06 6705 63 79 06 67
    Aquesta adreça email es aparada contra los robots dels spammors, devètz activar Javascript per la veire.

    IEO Tarn

Las activitats

  • Ensenhar e far passar la lenga occitana

    8 corses professionals, 7 talhièrs de lenga occitana, 5 talhièrs de cant e un de teatre, d'unas disposicions a favor dels parents d'escolans qu'aprenon l'occitan permeton una transmission eficaça de la lenga sus l'ensemble del territòri departamental.

  • Far descobrir la lenga e la cultura occitanas

    Pels talhièrs artistics, la dotzena de mòstras organizada cada annada, lo prèst de mòstras, l'organizacion de mai de 20 conferéncias, una iniciacion dins 14 escòlas publicas primàrias e d'accions a lor favor tota l'annada, nombrosas visitas guidadas, lecturas publicas.

  • Favorisar la difusion de la creacion culturala en occitan

    Festenal Camins de Crabas, Festenal de teatre, seradas teatre, balètis, Joanadas, doas mediatecas associativas, una librariá amb un catalòg abondós e renovelat de contunh, l'edicion d'òbras, relatiu a la cosina occitana subretot.

  • Crear de novèls sabers e de novèls metòdes de transmission

    Creacion d'un metòde d'aprendissatge rapid de la lectura en occitan, desvolopament del metòde d'aprendissatge rapid de totas las lengas romanicas (8 lengas en un an!) Recèrcas suls tèxtes tarneses. Talhièrs-memòria e animacions dins los Ostals de Retirats.

  • Favorisar la visibilitat de la lenga occitana

    Medias, articles dins las revistas institucionalas, reviradas e servici lingüistic pel mond economic e cultural (restaurants, musèus, comunas, etc...), organizacion de la Dictada Occitana (46 ciutats participèron en 2010).

Tarifas de l'adesion

Per aderir a l'Institut d'Estudis Occitans – Tarn (IEO Tarn), podètz estampar aqueste papieron e lo mandar per corrièr amb lo vòstre pagament.
Mandadís e òrdre: Institut d'Estudis Occitans – Tarn, 3 carrièra de la Tòrca – 81120 REIALMONT

Nom
Pichon nom(**)
Adrèça
Còdi postal
Vila
País
Telefòn
Mèl

Sòi d'acòrdi per reçaupre d'informacions per mèl: ◊ oui ◊ non
Preni l'adesion per l'annada ............


Adesion
individual 30 €
coble (**) 38 €
estudiants, caumaires 12 €
Total

Vòli far una dona de ............ €

Per las entrepresas, las donas fachas dins lo limit de 5 per mila del montant d'operacions balhan drech a una reduccion d'impòstes de 60%. Dich autrament, en fasent una dona de 1000€, l'entrepresa beneficia d'una reduccion d'impòstes de 600€ e fin finala paga sonque 400€.

Pels particulars, las donas fachas dins lo limit de 20% del revengut impausable balhan drech a una reduccion d'impòstes de 66%. Dich autrament, en fasent une dona de 100€, beneficiatz d'una reduccion d'impòstes de 66€ e fin finala pagatz sonque 34€.

Pagui la soma de ............ € e aderi a l'Institut d'Estudis Occitans – Tarn (IEO Tarn)

Fach lo ......................................... a....................................................................

Signatura:

(**) Se adesion en coble, nom e pichon nom de la segonda persona

"Conformément à l’article 27 de la loi Informatique et des Libertés, vous disposez d’un droit d’accès et de rectification des données vous concernant dont nous sommes seuls destinataires".