L'Institut d'Estudis Occitans - Tarn favorisa la difusion de la creation culturala en occitan:

  • L’edicion dels obratges seunes : clicar aicí per telecargar lo catalòg de nòstras publicacions. L'Institut d'Estudis Occitans – Tarn ven d'editar :
    • "Al pè de l'ondada - au pied de la vague", libre bilingüe occitan/francés, de Claudi Danc. « Alzheimer, dire lo nom, o gausar dire. » Atal comença lo primièr tèxt
      d’aqueste libre, plan polidament illustrat. Tenèm aquí una meditacion amb d’accents poetics sus una interrogacion metafisica per acompanhar l’autor dins lo partatge de l’amor. Se compren lèu perqué es escrit en francés e en occitan. Foguèt redigit dins los cinquanta jorns. Es un crit del còr. Atal dels mots qui dison la malautiá e sas constrenchas, lo quotidian novèl, l'equilibri d’unes còp trantalhant ara per ara, la revòlta e la consentida, la colèra e l'apasiment, lo temps complit, e los temps per venir. Atal dels mots que dison la passion, l'amor, la tendresa dins l'intimitat dels moments ont fusionan los agaches escambiats e las careças esboçadas. Atal dels mots que bastisson una esperança, que caminan cap a una forma de serenitat, que s'interrògan sus aquesta Preséncia, ‘questa Fòrça qu'es totjorn malaisit de nomenar, que l'invocan d’unes còps…« Tu que siás Amor » ! Meditacion intima mas amb una portada universala sus la vida d’un coble, ièr, uèi e…deman passat ! ‘Queles mots son porgits dins una forma simpla, prigondament pertocanta que son tanben las nòstras vidas, los nòstres patiments e las nòstras esperanças atal retrobadas. Telecargar lo bon de comanda de "Al pè de l'ondada - au pied de la vague".
    • "Còr d'Occitània, escrivans del sègle vint", libre occitan, òbra collectiva. « Albigés País Occitan » de Cristian Laux pareguèt en 1980. Dempuèi, fòrça escrivans del departament de Tarn an publicat de libres o escrich dins de revistas : romans, novèlas, poèmes, cançons… Aqueste obratge ne presenta la màger part dempuèi 1882, annada de la venguda de Frederic Mistral a Albi, duscas a uèi. Al torn de cent autors, femnas e òmes, son presentats : Raimond de
      Toulouse-Lautrec, lo colonèl Teyssier, Jacme-Andrieu Boussac, Loïsà Paulin, Gui Viala, Andriuna Labit, Cristian Laux, Marisa Nègre, Robèrt Marty, Joan-Claudi Serres, Sèrgi Viaule… Una antologia frucha d’una còla bailejada per Ramon Ginolhac. Telecargar lo bon de comanda de "Còr d'Occitània, escrivans del sègle vint".
  • La micrò-edicion : libret imprimit per informatica. Telecargar la tièira dels librets dejà publicats.
  • Doas mediatècas associativas per promòure los produches de creacion culturala, literatura, musica, testimònis d'una efervescéncia artistica.
  • E una librariá del catalòg ric et totjorn renovelat, qu'assegura una difusion autonòma, tant de las produccions seunas que de las produccions occitanas dels autres editors.

Per passar comanda:

  • Pels librairis ou autras estructuras, se pòt commandar directament a l'Institut d'Estudis Occitans – Tarn (05 63 79 06 67 o Aquesta adreça email es aparada contra los robots dels spammors, devètz activar Javascript per la veire. ). (levat lo libre « La croix occitane, version augmentée » despachada en de Miègjorn-Pirenèus e Lengadòc-Rosselhon, pel Comptoir du Livre (05 62 11 73 73).
  • Pels particulièrs, podètz
    • crompar los libres dins una de las doas mediatèces-librairiás:
      Centre Cultural Occitan de l'Albigés
      « Centre Occitan Ròcaguda »
      28 carr. Ròcaguda – 81000 ALBI
      05 63 46 21 43 - Aquesta adreça email es aparada contra los robots dels spammors, devètz activar Javascript per la veire.
      Centre Occitan del País Castrés
      « Ostal d'Azalais »
      6 carr. del Consolat – 81100 CASTRAS
      05 63 72 40 61 - Aquesta adreça email es aparada contra los robots dels spammors, devètz activar Javascript per la veire.

    • commandar per correspondéncia en nos tornant lo(s) bons de commanda(s) dels obratges e/o dels micrò-edicion amb lo chèc de règlament a:
    Institut d'Estudis Occitans – Tarn
    3 carr. de la Tòrca
    BP 14
    81120 REIALMONT